قصيدة ناصر القحطاني

قصيدة للشاعر ناصر القحطاني

الشمـس غابـت وكـل دور سراجـه ** والشوق جمر ما احر الشوق لا جمّـر

دم اتجاهـك شمـال مودعـك حاجـه ** سلم على حايـل وسلـم علـى شمّـر

قدامك الخافـق اللـي ينشـد علاجـه ** كنـه معلـق علـى بـرزان ومسمّـر

وانت تعرف يا بعد حيي مـن تواجـه ** بيضان الافعال لا مـن الزمـن سمّـر

ان ضاقوا اعنف من البحر ومن امواجه ** وان راقوا اركد من الخرمان لا عمّـر

كم صيت بيت عتق في الباب مزلاجـه ** وكم شيخ امـارة قبـل تعينـه مؤمّـر

وكـم حاتمـي تكفـي فلـة حجـاجـه ** وشلون للضيف لو عن ساعـده شمّـر

وان مـر تاريخهـم متلبـس تـاجـه ** كم عاشق كيٍـف وكـم حاسـد زمّـر

في جوٍ اغلى على الرجلي الـى داجـه ** من ديرة السادس ومـن ديـرة معمّـر

كنه الى اهـدي لـه البـراق ثجاجـه ** طلة غرير ضحك ومـن الخجـل حمّـر

توارثـوا حرثـه وتمتـيـر ديبـاجـه ** ركابـة الجيـب مـن ركابـة الضمّـر

الود لا غرس بدري صعـب مخراجـه ** والله ولا الـذ واحلـى منـه لاثمّــر

ادخل على اللي تطوف البيـت حجاجـه ** من ناقص عنـد مـدح الغيـر يتذمّـر

والمدح لو كان في الرديـان للصاجـه ** ويقال (عمر بلـد ) بالعـون ماعمّـر

والذم لـو زاد فـي الطيـب تولاجـه ** لا احرق ولا اغرق ولا عمر ولادمّـر

مانيب متحسف بشعري علـى حاجـه ** الا انـي اروح ماغنيـت فـي شمّـر

يسسسسسسسلموو
على القصيده وكلها معاني واحاسيس
تقبلي مروري

ويسلمك يارب
منورة يالغلا

مرررره حلووو
ابدااااع يسلموووو

مرررره حلووو
ابدااااع يسلموووو

مرورك الاحلى
ويسلمك على الطلة يالغلا